"Ырыалаах кытылга" ырыа дьоро киэһээтэ

Муус устар 18 күнүгэр Дьокуускай куораттааҕы "Айыы кыҺата" национальнай гимназияҕа, Сардаана Окоемова салайааччылаах "Юные якутяне" республиканскай айар киин иҺинэн үлэлиир,"Ай - ыллаа" вокальнай студия, "Ырыалаах кытылга" диэн ырыа дьоро киэҺэтин бар дьонугар бэлэхтээтэ.
Бу ырыа киэҺэтигэр биир дойдулаахпыт Матрена Винокурова - Дуораана хоҺоонноро матыыптанан элбэх дьон болҕомтотун,төрөппүттэр махталларын ылбыт 6 ырыа сүрэхтэннэ.
Дуораана Дьокуускай куораттааҕы 84 нүөмэрдээх оҕо кыҺатыгар иитээччинэн айымньылаахтык үлэлии сылдьар. Айар дьоҕурдаах, хомоҕой хоҺооннордоох, ылбаҕай ырыалардаах, кэнчээри ыччаты кэрэ эйгэтигэр уҺуйар Сардаана Алексеевна Окоемованы көрсөн, иккиэн үөрэ - көтө оҕо саас кырдалын оҺуорун киэргэтэллэр. Биир дойдулаахпытыгар Дуораанаҕа уонна кэскиллээх эдэр талааҥҥа Сардаана Окоемоваҕа ситиҺиилэри!
Айар ырыаларгыт ыллыктара, кэрэ хоҺоон хонуутугар уран кустук өҥүн түҺэрдиннэр!